Últimas novidades

O  Concello en colaboración con Roteiros de Lalín está editando e publicando folletos das rutas de sendeirismo que percorren o noso territorio. O obxectivo é acadar máis difusión e poñer en valor esta riqueza paisaxística, etnográfica, patrimonial e deportiva que posuímos. Lalín estase a converter nun referente na comunidade neste sector gracias ao traballo que se está a realizar.

Ata o momento están publicados cinco exemplares, con vistas a seguir con novas rutas. Ao mesmo tempo estanse levando a cabo labores de limpeza dos camiños e revisión da sinalización.

A Nova Campaña  de promoción dos excelentes produtos agroalimentarios que temos en Lalín protagonizada por Luis Zahera ao abeiro da marca “Lalín Sabe” sen dúbida está sendo un éxito.

Sempre é momento de apostar polos nosos produtos, polo noso comercio e hostalería, pero agora aínda máis.

 

 

O programa “Lalín, cruce de Camiños” busca dar a coñecer as dúas rutas de peregrinación que cara Compostela pasan polo territorio Lalinense. Esta iniciativa vai dirixida tanto a persoas de fora como ós habitantes do municipio, co gallo de difundir a singularidade de contar con dous Camiños de Santiago no noso Concello: A vía da Prata e o Camiño de Inverno.

O Concello de Lalín vén de estrear no Pazo de Liñares a nova Sala Hilgen onde se alberga unha exposición permanente con todo o material do xeólogo holandés recuperado a través da concellería de Turismo tras permanecer cedido temporalmente ao amparo dun convenio xa expirado no concello de Vila de Cruces que o mantiña, en parte, exposto no Museo da Minería de Fontao.