Últimas novidades

18/12/2017 Foi numeroso o público que onte se achegou ata o centro social de Alperiz para asistir á charla impartida pola arqueóloga Mª José Bóveda sobre o conxunto megálitico que se atopa na parroquia. O concelleiro de Turismo, Francisco Vilariño, amosou a súa satisfación pola gran acollida desta iniciativa onde unha bo numero de persoas se citaron para participar dunha acción para a posta en valor do noso patrimonio.
13/12/2017 Impartirase unha charla no centro social e levarase a cabo unha visita guiada ao conxunto arqueolóxico, “para dalo a coñecer e poñer en valor o seu enorme potencial a nivel turístico”, sinalou Francisco Vilariño. Será dirixida pola arqueóloga responsable da escavación, Mª José Bóveda, a quen o edil agradeceu o seu “magnífico traballo e total predisposición a colaborar coa iniciativa”.
9/12/2017 Presentámosvos a 4ª das 5 cápsulas audiovisuais que debuxan o lenzo do enorme potencial turístico do Concello de Lalín. Baixo o título de “Lalín, un lenzo de cultura”, a peza videográfica realiza de maneira dinámica e creativa un percorrido polos principais espazos culturais do concello.
6/12/2017 O concelleiro de Turismo salienta que o coñecemento e posta en valor do patrimonio é o mellor garante da súa conservación e pervivencia. Francisco Vilariño destaca que a activación deste proceso participativo tamén busca reforzar o apego dos cidadáns cara o seu patrimonio. Entre as propostas que xurdiron está a posibilidade de abrir un proceso colaborativo en rede aberto a toda a cidadanía. Unha vintena de persoas participaron no primeiro encontro para analizar as mellores fórmulas para enriquecer un inventario que constitúe a iniciativa máis ambiciosa do Concello neste eido.