Edificio vangardista construído polos arquitectos Luís M. Mansilla e Emilio Tuñón, gañadores, no ano 2007, do premio de arquitectura contemporánea Mies van der Rohe , concedido pola Unión Europea.
Foi inaugurado o 20 de setembro do 2013, nese mesmo ano, o edificio consigue colocarse entre os premiados na XII Bienal de Arquitectura y Urbanismo de España, na sección adicada a símbolos cívicos.
A construción recórdanos, coas súas formas circulares, tanto no exterior como no interior, aos castros prerromanos, moi abundantes no territorio do municipio, no que hai catalogados máis de 30.
Acolle nas súas dependencias os distintos departamentos do concello de Lalín, a Policía Municipal e a Policía Nacional, as oficinas do O.R.A.L., e Castrodeza, centro de interpretación dos castros.
