Museos

Como sucede cos agasallos, nos museos o importante está no interior, pero o envoltorio desata a nosa imaxinación tentando anticipar que é o que nos agarda dentro. Un pazo do século XVIII restaurado con gusto exquisito, unha aldea na que contido e continente se funden, a vivenda dun xenio científico, un edificio de vangarda, e ata a propia natureza no seu esplendor fan dos museos de Lalín lugares fascinantes.

No museo Galego da Marioneta achegaraste ó marabilloso mundo dos monicreques. Coñecerás a súa influencia nas culturas de todo o mundo a través de pezas que te farán viaxar polos distintos continentes. No museo etnográfico Casa do Patrón podes comprender como era a vida no rural a través dos seus obxectos de uso cotián, descubrir cos teus fillos o aspecto dunha escola de principios do século pasado, ou ver como eran os cuartos das casas dos nosos devanceiros. No museo municipal Ramón Mª Aller poderás saber mais da vida deste sabio lalinense e da súa contribución á astronomía.

Admirarás unha escolma da obra dun dos pintores galegos mais recoñecidos, José Otero Abeledo “Laxeiro”, e desfrutarás das exposicións temporais de arte que periodicamente teñen lugar no museo. Os castros da comarca de Deza, as súas lendas, e a súa relación coa gastronomía actual teñen protagonismo no centro Castrodeza. E finalmente, o Museo da Paisaxe, onde o material exposto son as montañas, os prados, os ríos, as vivendas e as granxas... e todo ¡a tamaño natural!

Museo etnográfico casa do patrón

A “Casa do Patrón” é un museo etnográfico no rural, con máis de 2.000 metros cadrados de exposición distribuídos en tres edificios, onde se expoñen máis de 4.500 pezas recollidas por toda a xeografía galega. Pequenos apeiros dunha gran historia , auténticos símbolos da Galicia dos últimos tres séculos.

O Museo dispón de 13 salas de exposicións organizadas por temáticas, onde se pode observar unha antiga escola, unha taberna, un forno, unha forxa tradicional, entre outros oficios esquecidos, así como elementos cotiáns que conformaron os hábitos de vida dos nosos devanceiros.

Unha das súas salas recolle as distintas pezas atopadas nas escavacións do Castro de “O Penedo” , do que hai escavadas e consolidadas varias estruturas que poden ser visitadas, e que se ubica moi preto do Museo, ademais da réplica a tamaño real dunha Casa Castrexa.

A Casa do Patrón leva a cabo una serie de proxectos anuais para manter viva a tradición, recuperando prácticas de antano que na actualidade se están perdendo, como a sega do cereal, a malla, o proceso do liño, o magosto...

Durante todo o ano realízanse tamén talleres de actividades (pan, queixo, cestería, rutas de sendeirismo, reciclaxe,talleres castrexos...). para todos os públicos, tanto a nivel individual como para grupos.

Conta ademais con servizo de restaurante con comida caseira por encarga.

No entorno podemos disfrutar da área de lecer “Entre Ríos” onde o Museo dispón de varios muíños restaurados e en funcionamento.

 

Tarifas:

Individuales y grupos de menos de 25 persoas: 2 € persona

Grupos de más de 25 personas:1 € persona

Colegios: 1€ persona

Niños menores de 5 años: gratis

Axenda
Martes a domingo (Lunes reserva previa): 10:00 a 14:00 y 16:00 a 19:00
Enderezo
Codeseda, 7 - 36519 Doade (Lalín)
Teléfono
986 69 22 03 – 635 93 98 90
Correo electrónico
info@museocasadopatron.com
Sitio web
Coordenadas
42.6088889, -008.1322222
Imagen Museo etnográfico casa do patrón