Últimas novidades

21/06/2018 O titular de Turismo cualificou esta segunda edición de Lalín con Gusto como “un éxito rotundo” e non só polas enorme cantidade de persoas que desfrutou das sesións de cociña en vivo e das degustacións e actividades lúdicas, senón fundamentalmente “porque se conseguiron cumprir todos os obxectivos plantexados, en particular o de difundir e poñer en valor a gastronomía lalinense e os nosos produtos de primeira calidade”.
12/06/2018 Para que non perdades detalle, velaquí vos mostramos a programación completa do "Lalín con gusto". Xa se nos fai a boca auga! Lembrade que para participar no obradoiro infantil do domingo pola tarde é preciso apuntarse con antelación. As inscricións deberán realizarse o venres, día 15, chamando ao 986787060. As prazas son limitadas e asignaranse por orde de chamada.
8/06/2018 Un ano máis o Concello de Lalín, a través da concellería de Turismo, e no marco das medidas activas a prol da promoción turística do municipio, está presente na 41 edición Semana Verde de Galicia cun stand de información e difusión turística, na sección de Turexpo, no pavillón 2 do recinto feiral. O stand turístico do Concello contén gran cantidade de material promocional e divulgativo dos moitos recursos turísticos do concello. Entre este material, atópanse todas as publicacións creadas pola concellería de Turismo, así como todo tipo de documentación con información referida a Lalín.
8/06/2018 Xa está aquí a segunda edición de Lalín con Gusto! Volve un evento que promete ser único!  Desfrutade deste pequeno avance do que van ser dous días de gastronomía, alimentación, promoción dos valores da hostalería local, música e moita diversión. Agardámosvos o 16 e o 17 de xuño!