Últimas novidades

28/9/2017 O concelleiro de Turismo, Francisco Vilariño, presentou o 2º encontro de blogueiros de turismo que leva o nome de "Outono 2.0 en Lalín" que organiza o Concello de Lalín para difundir o municipio e os seus recursos e alcanzar a súa máxima promoción a nivel turístico en redes sociais e, especialmente, nas bitácoras dixitais de cada participante.
22/9/2017 O concelleiro de Turismo, Francisco Vilariño, e o presidente da Asociación Galega de Autocaravanas (AGA), Manuel Fernández Arruti, anunciaron que Lalín vai acoller durante a ponte de outubro a asemblea anual da asociación, que congregará na vila a máis de 100 caravanas, coincidindo coa inauguración da área de estacionamento deste tipo de vehículos de ocio que está construíndo o Concello no Agro de Lalín de Arriba.
19/9/2017 Os traballos estarán rematados en menos dun mes e comprenden o acondiciononamento dunha parcela de 1.000 metros cadrados no Agro de Lalín de Arriba. Francisco Vilariño fixo fincapé en que esta iniciativa ten o obxectivo de “diversificar a oferta turística do noso concello”, tendo en conta o auxe no que se atopa o turismo de autocaravana. O edil considera que aumentará o número de visitantes a Lalín e, porén, isto repercutirá beneficiosamente no tecido económico local.
16/9/2017 Na apertura estiveron o concelleiro de Turismo, Francisco Vilariño, a edil de Medio Ambiente, Celia Alonso, o deputado provincial de Cultura, Xosé Leal e as comisarias da mostra, Carmen Salinero e Begoña Fernández. “As nosas senlleiras” é unha iniciativa coa que a Deputación de Pontevedra trata de poñer en valor o patrimonio natural da provincia de xeito visual e didáctico. A mostra recolle 35 árbores senlleiras catalogadas na provincia e está composta por paneis ilustrativos coa imaxe actual, unha pequena ficha de cada unha delas así como varios exemplares destas árbores en macetas.