Últimas novidades

3/01/2018 O presidente da Real Academia Galega, Víctor Fernández Freixanes, será o pregoeiro da L Feira do Cocido de Lalín, que celebrará o seu día grande o vindeiro 4 de febreiro. Nunha edición na que este evento cumprirá o seu medio século de historia, o Goberno de Lalín decidiu apostar por un intelectual de recoñecido prestixio e dunha traxectoria literaria, cultural e xornalística que o sitúa á altura de Álvaro Cunqueiro, que foi o primeiro pregoeiro da Feira do Cocido.
29/12/2017 A concellería de Turismo e os restauradores mantiveron unha xuntanza para ir perfilando a segunda edición que gozará “dun importante salto cuantitativo e cualitativo”. A mellora da infraestrutura do evento, así como a incorporación de novas temáticas e participantes son algunhas das moitas novidades que se pretenden introducir.
29/12/2017 Onte tivo lugar no concello de Lalín o acto de presentación do pin conmemorativo da Feira do Cocido, que este ano se celebrará o día 4 de febreiro, alcanzando o medio século de vida. O pin é un dos elementos máis importantes dentro da promoción da feira e, este ano, dentro das propostas novidosas para conmemorar o aniversario do festexo, o Concello convocou un concurso de debuxo escolar para que foran os alumnos e alumnas de Lalín as encargados de definir o seu novo deseño.
28/12/2017 O artista xa fixo o cartel das edicións número 7, 9 e 25 da Feira do Cocido, polo que se pretende representar o seu vencello histórico cun evento que o próximo ano cumpre o seu medio século de vida. Escolleuse para este fin un cadro de 1969, que é un claro exemplo da faceta máis espontánea de Laxeiro. O cartel foi presentado esta tarde no museo municipal, a carón da estatua do pintor lalinense. O cartaz é un elemento fundamental dentro da celebración da Feira do Cocido, xa que se converte na súa principal carta de presentación e na súa imaxe.