Últimas novidades

5/09/2018 O concelleiro de Turismo, Francisco Vilariño, ven de remitir unha carta a Nava Castro, Directora da Axencia Turismo de Galicia, solicitando a inclusión de Lalín na iniciativa do "Trens turísticos de Galicia" posta en marcha pola Axencia no ano 2013 e que na actualidade conta con 12 itinerarios ao longo do territorio galego, pero que ningún deles inclúe ao noso municipio.
5/09/2018 O grupo "Eladio y los seres queridos" vai ofrecer un concerto o vindeiro venres 7 de setembro, ás 21.00 horas, no Pazo de Liñares . O concelleiro de Turismo, Francisco Vilariño indica que esta iniciativa se enmarca dentro das actividades de promoción e difusión "dun dos nosos edificios máis emblemáticos e un dos nosos grandes atractivos turísticos".
27/08/2018 Na tarde de onte finalizou o  segundo seminario de apicultura ecolóxica e turismo posto en marcha polo Concello, que tivo lugar en Zobra durante as últimas 4 xornadas. O concelleiro de Turismo, Francisco Vilariño participou no acto de clausura e entrega dos correspondentes diplomas acreditativos aos asistentes. O edil volveu remarcar o éxito total desta actividade.
24/08/2018 Vilariño salienta que a iniciativa permitirá seguir “poñendo en valor a enorme calidade dun produto distintivo do concello, e que resulta unha carta de presentación perfecta de Lalín”. Celebrarase entre o xoves 23 e o domingo 26 de agosto, cun total de catro días destinados a seguir potenciando o noso municipio como destino turístico e poñendo en valor o seu patrimonio e riqueza meleira.