Últimas novidades

20/07/2017 Vimos de presentar a 1ª das 5 cápsulas audiovisuais sobre distintas temáticas turísticas, que conforman un lenzo, neste caso titulado "Lalín, un lenzo natural". Unha ferramenta novidosa, nun formato axeitado para as redes sociais que nos permite difundir e visibilizar os múltiples encantos e recursos turísticos que o noso Concello ofrece.
14/07/2017 Os atractivos e potencialidades turísticas de Lalín protagonizan esta semana no Caderno de Verán que acompaña ao Sermos Galiza nas súas paxinas centrais. Unha publicación que se distribúe co semanario nas súas canles habituais de distribución e do mesmo xeito tamén se leva a cabo a distribución de 4.000 polos diversos establecementos comerciais do pobo.
13/07/2017 Xa podedes descargar o cartel e a folla de inscrición do Seminario de apicultura ecolóxica, turismo e patrimonio apícola en Zobra. Esta iniciativa celebrarase en dúas fins de semana consecutivas: a do 29 e 30 de xullo e a do 5 e 6 de agosto.
13/07/2017 O alcalde de Lalín, Rafael Cuíña, e o concelleiro de Turismo, Francisco Vilariño, mantiveron esta tarde unha reunión no consistorio con representantes do sector hostaleiro do municipio. Foi un encontro no que empezaron a recollerse as súas propostas e suxestións de cara a organización da Feira do Cocido do vindeiro ano 2018, unha edición na que este evento gastronómico cumprirá o seu medio século de historia e para cuxa organización o Goberno local busca a maior implicación social.