Últimas novidades

12/07/2017 Desenvolverase en Zobra as fins de semana do 29 e 30 de xullo e do 5 e o 6 de agosto. Vilariño salienta que iniciativa persegue “poñer en valor a enorme calidade dun produto que identifica ao noso concello, e que resulta unha carta de presentación perfecta de Lalín”. Trátase dun paso máis na aposta do Concello por “un modelo de turismo emerxente en Europa”.
10/07/2017 Xa está dispoñible na sección multimedia, no apartado de documentación dixital a nova publicación "Lalín, unha terra de castros". Para todas aquelas persoas que prefiren os arquivos dixitais poden acceder á descarga da nova publicación.
9/07/2017 O traballo “Lalín, unha terra de castros” recolle de maneira didáctica, visual e atractiva a localización dos 32 castros catalogados en Lalín, así como outros recursos relacionados co patrimonio e a arqueoloxía. Vilariño resalta que estamos ante “unha guía turística e pedagóxica que tamén permite realizar unha viaxe emocionante pola nosa historia, dotarnos de coñecemento e tomar novamente conciencia de todo o potencial que posúe o noso Concello".
7/07/2017 O Concello de Lalín activou hoxe a comisión que se encargará de organizar a celebración a edición número 50 da Feira do Cocido, que terá o seu día grande o 4 de febreiro de 2018. Na reunión -na que participaron os membros do Goberno local e os técnicos municipais implicados na preparación dos diferentes actos- empezou a definirse a estratexia de cara a celebración da máis importante festa gastronómica de Galicia.