Últimas novidades

20/01/2018 Está composta por preto de 70 fotografías e outros formatos gráficos e divídese en tres caixóns que recollen outros tantos bloques temáticos relacionados coa Feira. Trátase dunha exposición atractiva apoiada por elementos gráficos de imaxes e documentos de época que evocan o significado dos cincuenta anos da Feira do Cocido de Lalín. Francisco Vilariño explicou que a mostra está orientada para complementarse cos contidos do vídeo documental e servirá para a apoiar, igualmente, a promoción do evento gastronómico. O seu deseño está pensado para o seu uso tanto a nivel itinerante como fixo, co obxectivo de aproveitar este contido para unha mostra permanente.
19/01/2018 Presentouse no Concello de Lalín a 3ª edición do Cocido Miúdo, un proxecto que comezou no 2015 e que está pensado para a diversión e o entretemento de público familiar, dentro das actividades programadas ao redor da Feira do Cocido. Vaise celebrar o día 28 de xaneiro pola tarde na CARPA MAHOU do Campo de Feira.
18/01/2018 A sesión terá unha duración de entre 10 e 15 minutos e contará con 2.800 artefactos, entre os que se incluirá algún alusivo ao 50 aniversario da Feira. Desenvolverase dende a praza da Vila coa finalidade de que poida ser presenciado polo maior número de persoas sen necesidade de desprazarse do casco urbano. Cuíña salienta o papel que xogará esta iniciativa na dinamización social e económica de Lalín nunha das noites máis especiais do ano. Vilariño destaca que o espectáculo ofrece un atractivo máis para incrementar o número de visitantes que se acheguen ao concello na fin de semana do Cocido.
16/01/2018 Terá lugar na casa reitoral da parroquia, un espazo propicio para acoller as actividades que se desenvolverán ao longo da xornada. O festexo trata de potenciar as tradicións populares e poñelas en valor a través da recreación do proceso da mata do porco. O Concello agradece fondamente o enorme traballo e a implicación de toda a veciñanza de Moneixas, que leva moitos días traballando na organización desta celebración.